09.09.2023 года "У здаровым целе – здаровы дух!”
11.09.2023"У здаровым целе – здаровы дух!”- пад такім дэвізам прайшоў у новым навучальным годзе першы Дзень здароўя ў нашай школе. Вучні ўсіх класаў (а іх было нямала) прыйшлі ў гэты цудоўны суботні вераснёўскі дзень, каб правесці некалькі гадзін цікава і з карысцю для здароўя. А пачаўся гэты дзень з пастраення і ўрачыстых слоў намесніка дырэктара па выхаваўчай рабоце Л.У.Эйсмант, якая адкрыла круглагадзічную школьную спартакіяду. Затым кожны з вучняў змог знайсці сабе занятак па душы. Вучням пачатковых класаў была прапанавана гульнёва - пазнавальная праграма “Падарожжа ў краіну здаравячкоў. А вучні 5-7 класаў паудзельнічалі ў рабоце круглага стала на прыродзе “Бяспека перш за ўсё”, дзе на практыцы пазнаёміліся з правіламі бяспечных паводзін у лесе, каля вадаёма, у час руху па дарозе. Цікавай і карыснай была для вучняў 8-11 класаў ролевая гульня “Будзь асцярожным на дарогах”. Пра гэта сведчаць шматлікія пытанні вучняў, іх актыўны ўдзел. А завяршыўся гэты суботні дзень легкаатлетычным кросам.Усе вучні прыклалі шмат сіл, каб пераадолець прапанаваную дыстанцыю, але самымі хуткімі аказаліся вучні 5 класа Бобча Сцяпан і Зайчэнка Анастасія, вучаніца 7 класа Мазырка Ганна.
Дзень здароўя атрымаўся . Кожны з вучняў атрымаў порцыю задавальнення і добрых эмоцый і стаў хоць трошкі, ды больш здаровым.
Члены ваенна-патрыятычнага клуба “Патрыёт” прынялі ўдзел у добраўпарадкаванне магілы “Невядомы салдат”.